nanpa pi ken ala kipisi pi mute ale li lon

ni li tan mi ala. mi sona ala e ni: jan seme li pali e ni.

tawa kama lon e ni, o sitelen insa e ijo jasima: nanpa pi ken ala kipisi mute pini li lon. o nimi e kulupu pi nanpa ni kepeken sitelen P.

ni la o mute e nanpa ale pi kulupu P, o namako e wan. (ni li ken tan ni: kulupu Pli suli pini). o nimi e nanpa sin ni kepeken sitelen N.

nanpa Nla ken tu li lon: ona li nanpa pi ken ala kipisi, anu ona li ijo tan mute pi nanpa ante pi ken ala kipisi.

ken nanpa wan li ken ala tan ni: nanpa N li lon ala kulupu P. (nanpa tan kulupu P, la nanpa N li suli mute). taso ,ona li nanpa pi ken ala kipisi. kulupu P li wile jo e nanpa ale pi ken ala kipisi, la ni li ken ala.

tenpo ni la o sitelen insa e ken nanpa tu. nanpa ni li wile lon: ona li nanpa pi ken ala kipisi, ona li ken kipisi e nanpa N. o nimi e ona kepeken sitelen L. o sona e ni: nanpa pi kulupu P li ken ala kipisi e nanpa N. (nanpa p li lon kulupu P la ona li lukin kipisi e nanpa N la wan li ante). tan ni, la nanpa L li ken ala lon kulupu P. taso ,ona li nanpa pi ken ala kipisi. sama tenpo pini, la ni li ken ala.

ale ni, la kulupu P li suli pini, la ale li ijo pakala pi ken ala. tan ni, la kulupu P li wile kulupu pi suli ale.